Profesora Axudante Doutora no Departamento de Didáctica, Organización Escolar e Métodos de Investigación na Universidade de Vigo. A súa tese de doutoramento e a súa produción científica tratan cuestións relacionadas coa inclusión socioeducativa, conformando as súas principais liñas de investigación as metodoloxías de investigación participativa, voz do alumnado, transicións educativas e temáticas sociais susceptibles de ser causa de exclusión social.
Participou en 1 Proxecto europeo, 4 Proxectos do Plan Nacional de Investigación de I+D+i, 3 proxectos autonómicos e 1 de carácter local. É membro do Grupo de Investigación CÍES-Uvigo e do Grupo INDEIN. Publicou artigos en revistas científicas indexadas (recentemente Sierra-Martínez, Martínez-Figueira, Castro-Pais, 2024; Fiuza-Asorey, Sierra-Martínez, Castro-Pais e Parrilla-Latas, 2024; Fiuza-Asorey, Losada-Puede, Sierra-Martínez e Baña, 2023; etc.) e capítulos de libros en editoriais indexadas no Ranking SPI.
Inicia a súa formación docente e investigadora cunha axuda do Subprograma de Formación de Persoal Investigador (Bolsa FPI, Ministerio de Economía e Competitividade) na Universidade de Vigo.