DUAL-DIG “Titorización das prácticas de programas formativos duais nun mundo dixital: Desafíos, metodoloxías e boas prácticas”, código PID2022-141325NB-I00, foi concedido pola Axencia Estatal de Investigación no marco do Plan Estatal de Investigación Científica, Técnica e de Innovación 2021-2023 para a concesión de axudas a Proxectos de Xeración de Coñecemento e a actuacións para a formación de persoal investigador predoutoral asociadas a ditos proxectos e ao Fondo Europeo de Desenvolvemento Rexional (FEDER), para ser desenvolvido durante tres anos (2023-2026).

O proxecto DUAL-DIG implica a 10 universidades que son: Universidade de Vigo, Universidade de Málaga, Universidade de Granada, Universidade de Jaén, Universidade UPV/EHU, Universidade de Santiago, ADEIT Fundació Universitat Empresa de Valencia, Universidade de Barcelona, Universidade Aberta (Portugal) e Universidade de Colonia (Alemaña). Dentro desta ampla colaboración, levan a cabo o proxecto 26 profesionais con experiencia en prácticas educativas apoiadas con tecnoloxías.

DUAL-DIG pretende coñecer e comprender o desenvolvemento dos programas formativos duais na universidade española, indagando particularmente sobre as metodoloxías, as boas prácticas e os desafíos derivados do mundo dixital actual.