Graduada en Educación Primaria (2014), Máster en Necesidades Específicas de Apoio Educativo (2018) pola Universidade de Vigo. Graduada en Pedagoxía (2019) con Premio Extraordinario pola Universidade de Santiago de Compostela e, actualmente, alumna no Programa de Doutoramento en Equidade e Innovación en Educación.  

Experiencia docente en diversas materias do Grao en Educación Infantil e Primaria na Universidade de Vigo, tales como “Fundamentos didácticos e organizativos do ensino”, “Aspectos didácticos e organizativos da educación especial” ou “Novas Tecnoloxías Aplicadas á Educación Primaria”. Así como conferenciante invitada en “Fundamentos didácticos e organizativos do ensino”, “Organización do centro escolar” e “Deseño e desenvolvemento do currículo da educación infantil”. Traballou durante anos no centro Nenoos de Vilagarcía, onde se dedicaba a realizar intervencións individualizadas de atención pedagóxica con nenos e nenas que presentaban algunha necesidade educativa (Dificultades de Aprendizaxe, Síndrome do Espectro Autista, TDAH, Dislexia, Trastornos de Conduta, entre outros).  

Actualmente, é investigadora no Departamento de Didáctica, Organización Escolar e Métodos de Investigación na Universidade de Vigo (Campus de Ourense), cun contrato predoutoral para a formación de doutores (FPI) do Ministerio de Ciencia e Innovación, a través do cal desenvolve a súa tese doutoral.