Doutora en Ciencias da Educación con mención Internacional pola Universidade de Granada. Estudos de Máster en investigación, innovación en currículo e formación e estudos universitarios en comunicación, educación primaria e pedagoxía. Diplomada en protección de datos na sociedade da información. Experiencia como docente en educación secundaria en México e educación universitaria en México e España. Publica e investiga sobre seguridade dixital, competencias dixitais na formación inicial do profesorado e protección de datos persoais. Outros intereses de investigación son: tecnoloxía educativa, currículo, formación do profesorado, prácticas profesionais e avaliación formativa. Participa en proxectos de investigación sobre o uso seguro e responsable de Internet, os dereitos dixitais e o liderado e redes profesionais de formación do profesorado.